།ཕྱོགས་བཞིར་ཀུན་ཏུ་གཏོར་ན་འཐབ་པ་དང་འཐབ་མོ་དང་། རྩོད་པ་དང་། འགྱེད་པ་དང་། མུ་གེ་དང་མི་ངས་དང་། ཡམས་ཀྱི་ནད་དང་། གནོད་པ་དང་། འཚེ་བ་དང་། འཁྲུག་པ་ཐམས་ཅད་ཞི་བར་འགྱུར་རོ། །ཉིན་གཅིག་བཞིན་དུ་བདག་ཉིད་ལ་དབང་བསྐུར་རམ། རེག་པར་བགྱིད་ན། རིག་སྔགས་དང་ཕྱག་རྒྱ་དང་། དཀྱིལ་འཁོར་གྱི་རིམ་པར་དབྱེ་བ་དང་ལས་ཆེན་པོ་འགྲུབ་པར་འགྱུར་རོ། །དོན་ཡོད་པའི་གྲུབ་པ་ཆེན་པོ་འགྲུབ་པར་འགྱུར་རོ། །གང་དང་གང་དུ་མཆིས་བ་དེ་དང་དེར་ཆེར་མཆོད་པར་འགྱུར་རོ། །ཐམས་ཅད་ཀྱིས་མི་ཟློག་པར་འགྱུར་རོ། །ཉིན་གཅིག་བཞིན་གཞལ་མེད་ཁང་རྒྱ་ཆེན་པོ་བཀྲ་ཞིང་རྣམ་པར་བཀྲ་བ་ཆེན་པོ་རྨི་ལམ་དུ་མཐོང་བ་དང་། རྣམ་པ་ཐམས་ཅད་དུ་མཆོག་རྒྱ་ཆེན་པོ་འཐོབ་པར་འགྱུར་རོ། །དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་དང་། རྒྱལ་པོ་དང་། བློན་པོ་དང་། བཙུན་མོའི་འཁོར་དང་བཅས་པ་ཐམས་ཅད་དབང་དུ་འགྱུར་ཞིང་མཆོད་པར་འོས་པར་འགྱུར་རོ། །རྟག་ཏུ་གཙང་མར་སྤྱོད་པར་གཙང་ཞིང་དག་པར་འགྱུར་རོ། །རྟག་པར་དུས་ཀུན་ཏུ་འཕགས་པ་སྤྱན་རས་གཟིགས་དབང་ཕྱུག་བལྟ་འཚལ་བར་འགྱུར་རོ། །འདོད་པ་ཐམས་ཅད་ཀྱི་མཆོག་སྩོལ་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྨི་ལམ་དུ་རྟག་ཏུ་མཐོང་ཞིང་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཨོཾ་པདྨེ་ས་ར་ས་ར་ཏིཥྛ་ཏིཥྛ་མ་ཧཱ་ཨ་མོ་གྷ་ས་མ་ཡ་སྭཱ་ཧཱ། གསང་བ་ཆེན་པོའི་དམ་ཚིག་གི་གསང་སྔགས་སོ། །ཨོྃ་བི་པུ་ལ་པདྨ་ཨ་མོ་གྷ་པྲ་ས་ར་པྲ་བི་ཤ་ཏུ། ཀུ་རུ་ཀུ་རུ་སྭཱ་ཧཱ། འཇུག་པའི་གསང་སྔགས་སོ། །ཨོཾ་ཨ་མོ་གྷ་ཨ་ནུ་ཤ་ཡ་མ་ཧཱ་པདྨ་བན་དྷུ་རེ་ཧཱུྃ། སློབ་མའི་གསང་སྔགས་སོ། །ཨོཾ་ཨ་མོ་གྷ་པདྨ་ཤི་ཁེ་ཏུ་རུ་ཏུ་རུ། ཏིཥྛ་བཛྲ་བན་དྷེ་སྭཱ་ཧཱ། སྤྱི་གཙུག་བཅིང་བའི་གསང་སྔགས་སོ། །ལན་ཉི་ཤུ་རྩ་གཅིག་བཟླས་སོ། །ཨོྃ་ཨ་མོ་གྷ་པདྨ་ཛ་ལོ་ཏ་ཀྵེ་པ། བྷི་རི་བྷི་རི་ཧཱུྃ། ཆབ་བཏེག་པའི་གསང་སྔགས་ཏེ། ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་བི་ཀ་ཊ་སྃ་བྷ་ར་པདྨ་ཨཱ་ས་ཎེ་ཛ་ལ་པ་ཏི།