གོ་ཆའི་བཀོད་པ་བསྟན་པ།
The Teaching of the Armor Array
Varmavyūhanirdeśa
Degé Kangyur volume 40, F.127.b
།བྱང་ཆུབ་སེམས་དཔའ་བྱེ་བ་ཕྲག་སྟོང་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་དེ་བཞིན་གཤེགས་པ་ཟླ་བའི་སྒྲོན་མའི་རྒྱལ་པོས་ཡང་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཇི་ལྟར་ཁྱེད་གནས་པ་མེད་པས་གནས་མེད་པ་ལ་གནས་ནས་ཆོས་ཐམས་ཅད་ཀྱི་ཚུལ་རྣམ་པར་གཞག་པའི་ཐབས་མཁས་པ་ལ་གནས་པ་དེ་བཞིན་དུ་རིགས་ཀྱི་བུ་ཆོས་ཐམས་ཅད་ཀྱང་དེ་བཞིན་ཏེ། དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མཛད་པའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་བརྙེས་པར་སྟོན་པར་མཛད་དོ། །གལ་ཏེ་དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མི་མཛད་ན་དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་མངོན་དུ་མཛད་པ་ཡང་མི་སྟོན་ཏོ། །རིགས་ཀྱི་བུ་ཆོས་རྣམས་ལ་ནི་གནས་མེད་དོ། །གནས་མེད་པ་ཡང་མ་ཡིན་ནོ། །གནས་དང་གནས་མེད་པ་ཞེས་བྱ་བ་གང་ཡིན་པ་དེ་དག་ཐམས་ཅད་ནི་འཇིག་རྟེན་པའི་རྗེས་སུ་འབྲང་བའོ། །འཇིག་རྟེན་པའི་རྗེས་སུ་འབྲང་བ་གང་ཡིན་པ་དེ་ལ་ནི་ཆོས་འགའ་ཙམ་ཡང་སྐྱེ་བར་བྱ་བ་འམ། ཁོང་དུ་ཆུད་པར་བྱ་བ་མེད་པས་དེའི་ཕྱིར་རིགས་ཀྱི་བུ་ནན་ཏན་བརྩོན་འགྲུས་བསྐྱེད་ནས་མྱུར་དུ་ཆོས་རྣམས་ལས་རྣམ་པར་གྲོལ་བ་འཐོབ་པར་བྱའོ། །བྱང་ཆུབ་སེམས་དཔའ་དེ་གཉིས་དེ་བཞིན་གཤེགས་པ་དེ་ལས་ཆོས་དེ་ལྟ་བུ་ཐོས་པ་དང་། ནམ་མཁའ་ལ་འཕགས་ནས་ཚིགས་སུ་བཅད་དེ་དེ་བཞིན་གཤེགས་པ་ལ་མངོན་པར་བསྟོད་པ། །ཆོས་ཀྱི་རྒྱལ་པོ་བསམ་མི་ཁྱབ། །ངོ་མཚར་ཆོས་ནི་རབ་ཏུ་བརྙེས། །ཐམས་ཅད་མཁྱེན་པ་རྐང་གཉིས་གཙོ། །སངས་རྒྱས་ཆོས་ནི་བླ་ན་མེད། །ཆོས་ཉིད་བླ་ན་མ་མཆིས་སླད། །དེ་བཞིན་གཤེགས་དང་མཚུངས་མ་མཆིས། །ཆོས་རྣམས་སྐྱེ་བ་མ་མཆིས་པས། །དེང་བདག་བཟོད་པ་འདི་ཐོབ་ལགས། །བདག་ནི་རྟག་ཏུ་སྐྱེ་བ་དང་། །སྐྱེ་བ་མ་མཆིས་རྟོག་མི་བགྱིད། །དེ་བཞིན་རྣམ་མི་རྟོག་ལ་ཡང་། །ཐམས་ཅད་བསམ་པར་མི་བགྱིད་དོ། །ཆོས་རྒྱལ་ཐུབ་པ་ཆེན་པོ་སྟེ། །ཡོན་ཏན་ཚིག་དང་རྟོག་སྤངས་པ། །རྣམ་པར་དག་པའི་ཆོས་བསྟན་ནས།
།བྱང་ཆུབ་སེམས་དཔའ་བྱེ་བ་ཕྲག་སྟོང་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་དེ་བཞིན་གཤེགས་པ་ཟླ་བའི་སྒྲོན་མའི་རྒྱལ་པོས་ཡང་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཇི་ལྟར་ཁྱེད་གནས་པ་མེད་པས་གནས་མེད་པ་ལ་གནས་ནས་ཆོས་ཐམས་ཅད་ཀྱི་ཚུལ་རྣམ་པར་གཞག་པའི་ཐབས་མཁས་པ་ལ་གནས་པ་དེ་བཞིན་དུ་རིགས་ཀྱི་བུ་ཆོས་ཐམས་ཅད་ཀྱང་དེ་བཞིན་ཏེ། དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མཛད་པའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་བརྙེས་པར་སྟོན་པར་མཛད་དོ། །གལ་ཏེ་དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མི་མཛད་ན་དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་མངོན་དུ་མཛད་པ་ཡང་མི་སྟོན་ཏོ། །རིགས་ཀྱི་བུ་ཆོས་རྣམས་ལ་ནི་གནས་མེད་དོ། །གནས་མེད་པ་ཡང་མ་ཡིན་ནོ། །གནས་དང་གནས་མེད་པ་ཞེས་བྱ་བ་གང་ཡིན་པ་དེ་དག་ཐམས་ཅད་ནི་འཇིག་རྟེན་པའི་རྗེས་སུ་འབྲང་བའོ། །འཇིག་རྟེན་པའི་རྗེས་སུ་འབྲང་བ་གང་ཡིན་པ་དེ་ལ་ནི་ཆོས་འགའ་ཙམ་ཡང་སྐྱེ་བར་བྱ་བ་འམ། ཁོང་དུ་ཆུད་པར་བྱ་བ་མེད་པས་དེའི་ཕྱིར་རིགས་ཀྱི་བུ་ནན་ཏན་བརྩོན་འགྲུས་བསྐྱེད་ནས་མྱུར་དུ་ཆོས་རྣམས་ལས་རྣམ་པར་གྲོལ་བ་འཐོབ་པར་བྱའོ། །བྱང་ཆུབ་སེམས་དཔའ་དེ་གཉིས་དེ་བཞིན་གཤེགས་པ་དེ་ལས་ཆོས་དེ་ལྟ་བུ་ཐོས་པ་དང་། ནམ་མཁའ་ལ་འཕགས་ནས་ཚིགས་སུ་བཅད་དེ་དེ་བཞིན་གཤེགས་པ་ལ་མངོན་པར་བསྟོད་པ། །ཆོས་ཀྱི་རྒྱལ་པོ་བསམ་མི་ཁྱབ། །ངོ་མཚར་ཆོས་ནི་རབ་ཏུ་བརྙེས། །ཐམས་ཅད་མཁྱེན་པ་རྐང་གཉིས་གཙོ། །སངས་རྒྱས་ཆོས་ནི་བླ་ན་མེད། །ཆོས་ཉིད་བླ་ན་མ་མཆིས་སླད། །དེ་བཞིན་གཤེགས་དང་མཚུངས་མ་མཆིས། །ཆོས་རྣམས་སྐྱེ་བ་མ་མཆིས་པས། །དེང་བདག་བཟོད་པ་འདི་ཐོབ་ལགས། །བདག་ནི་རྟག་ཏུ་སྐྱེ་བ་དང་། །སྐྱེ་བ་མ་མཆིས་རྟོག་མི་བགྱིད། །དེ་བཞིན་རྣམ་མི་རྟོག་ལ་ཡང་། །ཐམས་ཅད་བསམ་པར་མི་བགྱིད་དོ། །ཆོས་རྒྱལ་ཐུབ་པ་ཆེན་པོ་སྟེ། །ཡོན་ཏན་ཚིག་དང་རྟོག་སྤངས་པ། །རྣམ་པར་དག་པའི་ཆོས་བསྟན་ནས།
eKangyur, UT4CZ5369-I1KG9166-0000, page 254 (127b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh51.html?part=UT22084-040-002-1011#UT22084-040-002-1011